Profile
| 
| 
Antecedente
• Centru Radio Comunidade (CRC) estabelese nu`udar media komunidade iha tinan 2002 hetan suporta husi Community Empowerment Project (CEP) Projectu husi Banku Mundial nian. Iha periodu ne`e, CRC fokus liu ba rekrutamentu ba jornalista sira (jornalista distritus nian) no transfere sira ne`e ba Radio Nasional Timor-Leste ne`ebe nu`udar estasaun radio husi governu Timor-Leste rasik.
• Centru Radio Comunidade (CRC) iha Mediu 2002 halao mos sosialisazaun hodi hari’i estasaun Radio Comunidade iha Distrito 8 (ualo) hanesan ; Distrito Aileu, Ainaro, Baucau, Ermera, Manatuto, Suai, Same ho Oe – Cusse.
Atu sai hanesan entidade ida ne`ebe idependente, CRC tenki implementa programa ida ne`ebe sei asegura sustentabilidade husi estasaun radio comunidade no CRC ne`e rasik. Atu iha sustentabilidade, CRC tenki haforsa no halo striktu ninia funsoins, nune`e mos halo ezijensia ba servisu, no fornese harii kapasitasaun ba estasaun radio comunidade sira, iha aspetu hotu-hotu konaba operasoins no manutensaun. Areas xavi atu fo suporta maka treinamentu; fo asistensia iha produzaun radio comunidade, inklui programa no jestaun; suporta tekniku ba manutensaun ekipamentus; no redi komunikasaun (net working) no ligasaun servisu. CRC fornese hela mekanizmu ba komunikasaun ho no entre estasun radio comunidade hotu-hotu, fornese desiminasaun rapidu konaba informasun importante ba iha area rurais. Nasaun barak iha mundu maka oras ne`e dau-daun iha sistema konaba estasaun independente, paralel ho kobertura nasional, maibe dala barak area centru hanesan CRC ne`e presiza atu asegura katak koperasaun ne`e iha konfidensia ne`ebe metin.
• Treinamentu,
CRC fornese hela rekursu treinamentu ida ba staf no voluntariu Timor oan sira husi radio comunidade nian husi teritoriu tomak, harii kapasitasaun no haberan abilidades baze foun iha areas ne`ebe esensial hanesan tekniku, operasional, produsaun, merkaduria, jestaun no seluk tan. Abilidade ne`ebe hadia sei lidera programas ne`ebe diak liu tan no, ho nune`e bele habo`ot suporta ka apoiu lokal no sufisiensia ba an rasik.
• Produsaun,
CRC produz dau-daun programas radio, material kampana informasaun no traduzaun/versions alternativa. Programa barak, partikularmente edukasaun, relevante tebes ba distritu hotu-hotu no bele fahe liu husi troka ideias husi radio comunidade hotu-hotu. Ida ne`e bele sai rekurus no fornese programa ba organizasoins, nu`udar Centru.
• Manutensaun ba Ekipamentu,
CRC iha ekipa ki’ik ne`ebe fo apoiu teknika, augenta halo viajen no atende problema teknika nian ne`ebe maka estasun radio comunidade sira hasoru. Sira iha kapasidade diak wainhira hasoru transmitters, solid-state amplification no ekipamentu audio nian, mixers, fiu sira, sound reinforcement. Ekipa ida ne`e sei nafatin presiza kapasitasaun maibe tenki prova atu sai hanesan rekursu ne`ebe vital iha futuru.
• Servisu Redi komunikasaun Liagasaun nian,
Estasaun radio comunidade sira bele asesu ba doadores, ONG, organizasoins Governu nian, advertisers no grupus interesante liu husi CRC, lokal no mos internasional. CRC nu`udar centru ida fornese servisu ida ne`ebe kapa`as ba organizasoins hirak ne`e. Ida ne`e bele desimina media ba estasaun radio comunidade, fornese kampana diak ba media, avaliasaun projectu, halo anunciu no mensajen ne`ebe hanesan alvu hotu-hotu husi central point.
